Heilix Xangl & Bairische Mantren

Inzwischen gibt es von Od*Chi ein vielfältiges Repertoire an Songs mit bajuwarischen Texten,
die vornehmlich die Schönheit und Pracht der Natur, des Bairisch Gelobten Landes
und der gesamten Mutter Erde huldigen.
Sie ermuntern zu mehr Respekt, Achtsamkeit und Wertschätzung und fokussieren vornehmlich das,
was wir wünschen und wollen und beschäftigen sich
~ gemäß dem Gesetz der Resonanz: "Energie folgt der Aufmerksamkeit" ~
nicht mit dem, was unstimmig ist...

Die Texte sind alle von Od*Chi verfasst,
manche sind bairische Übersetzungen von englischen Rainbow~Spirit~Songs...

Hier nun alle gesammelten Texte der Bairischen Mantren, Heilign Xsangl und bajuwarischen Bajans...
Vui Schpass & Freid, liabä Leit:

OM AM BERG

OM am Berg, do wui i sei

OM am Berg, do bini frei

OM am Berg, do bini froh

OM am Berg, do gfoitz ma so

OM am Berg, do is so schee

OM am Berg, i so gern steh

OM am Berg, gäht ma's Herzerl auf

OM am Berg, do wui i nauf

OM am Berg, wui i oiwei sei

OM am Berg, ruaf i juchei

OM am Berg, do wui i hi

OM am Berg, do gschpüah i mi

OM am Berg, dees is mei Weeda

OM am Berg, is need a jeda

OM am Berg, do is wias is

OM am Berg, sitz i im Paradies

OM am Berg, bin i zu Haus

OM am Berg, kimmi ausm Oidoog naus

OM am Berg, find i mei Ruah

OM am Berg, schaug i da Weyt vo OM zua

OM am Berg, muaß i weida

OM am Berg, muaß i obä leida

OM am Berg, ziagtz mi wieda hoam

OM am Berg, dadtz mi sunst obäschwoam

OM am Berg, werdi wieda sei

OM am Berg, soog i Da glei

OM am Berg, werdi auffi steing

OM am Berg, g'härt zum Jahresreing

ASOSCHEESCHO

Asoscheescho, Asoscheescho

Di Sunna lacht mi o und dees macht mi froh, Asofrohscho

Und ah as Sternenlicht, is a scheene G'schicht, Asoscheescho

Asoscheescho, Asoscheescho

Wuide Berg und Doi und a Wassafoi, Asoscheescho

Und a oida Baam, jo i glaab i draam, Asoscheescho

Asoscheescho, Asoscheescho

Und da große Woid mia ja so guad gfoid, Asoguadscho

Und OM auf da Oim, moog i jedn Hoim, Asogernscho

Asoscheescho, Asoscheescho

Klare Seen und Bachal und an Haufa Schindldachal. Asoscheescho

Jo dees is scho gwandt, dees scheene Bayanland, Asoscheescho

Asoscheescho, Asoscheescho

Und die feschn Madln mit de stramma Wadln, Asoscheescho

und neba de Madln, dean de Buama bladdln, Asoguadscho!

Asoscheescho, Asoscheescho

Und as Feija brennt, ned nua zua Sunnawend, Asoscheescho

und OM auf da Häh, is ganz bsundas schee, Asoscheescho

(Wintervariante:)Und da Ofa brennt, need nua im Advent, Asoscheescho

Und aufm Cannapee is ganz bsundas schee, Asoscheescho

Asoscheescho, Asoscheescho

Jo so a scheena Doog, den i so gern moog, Asogernscho

Ja oans woaß i gwiss, mia sann im Paradies, Asoscheescho

Asoscheescho, Asoscheescho

BOARISCHA INDIANA

I bin a boarischa Indiana

und dees wui i sei,

weil boarische Indiana

de sann froh und frei

Joo, i steh auf Di, guadä Mama Erdn

Joo i dank Da recht, g'häär zu Deina Herdn...

I bin a boarischa Indiana

und bin ned alloans

weil mia Weytindiana sann olle oans

Joo i steh auf Di, guada Großa Geist

Joo i dank Da recht, dass'D uns Dei Kraft valeihst...

I bin a boarischa Indiana

ziag mi aba ned so o

weil ma ah ohne Indianagwandl, oana sei ko

Jooo i steh auf Di, Mama Natur

Joo i dank Da recht, für die Urkraft pur

I bin a boarischa Indiana

und des bini gern

siegh übaroin meine Gschwista,

jeda is a Stern

Joo i steh auf Eich, mia dean mitanand

Joo, dees is recht, mia sann olle vawandt....

OM NAMAH SHIVAYA ~ OBABAYA

OM Namah Shivaya

I bin a Obabaya

OM Namah Shivaya

hock gern am Lagafeija

OM Namah Shivaya

muass ned ins Himalaya

OM Namah Shivaya

dees waar ma eh vuiz daija

Ja es is so schee, es is so schee, weil i auf mei Hoamat schteh

bei Hasn, Gamsn, Hirsch und Reh, find i's ganz bsundas schee

OM Namah Shivaya

I bin a Obabaya

OM Namah Shivaya

& flack a gern am Weiher

OM Namah Shivaya

muaß ned an irgendsoa Playa

OM Namah Shivaya

dees waar ma eh vuiz daija

Es is so schee, es is so schee, weil i auf mei Hoamat schteh

und ah im Winta bei Eis und Schnee, find i's do recht schee

...weil do ko ma Schitourn geh... ;-)

OM Namah Shivaya

I bin a Obabaya

OM Namah Shivaya

und schtäh auf Mama Gaya

OM Namah Shivaya

bei uns do hoaßt de Freyja

OM Namah Shivaya

und de is ma scho deija

Es is so schee, es is so schee, weil i auf Mama Erdn schteh

und nochad soogi Namastè und dann bassts na eh!

GUADÄ SUNN

Guadä Sunn, guadä Sunn

lach mi o, lach mi o

lach mi o und mach mi froh

mach mi froh, mach mi froh

mach mi froh und mach mi frei

mach mi frei, mach mi frei

mach mi frei und i sing juchei

sing juchei, sing juchei

i sing juchei und danz dabei

danz dabei, danz dabei

danz dabei und hoob mei Freid

hoob mei Freid, hoob mei Freid

hoob mei Freid und i bin xsund

i bin xsund, i bin xsund

i bin xsund und ois is rund

ois is rund, ois is rund

ois is rund und die Weyt is bunt

die Weyt is bunt, die Weyt is bunt

die Weyt is bunt und Du bist da Grund

Du bist da Grund Du bist da Grund

Guadä Sunn, Guadä Sunn...

JA DANN SCHAU MA MOI

Ja dann schaung ma moi

und dann seng mas scho

und dann mach ma, woos ma macha ko

hauptsach dass ma lacha ko

und lustigä Sacha macha ko

weil dann samma froh

ja dann samma froh

Ja Schooooooooooo!

I MOOG DI SO

Joo joo, i moog Di soo, joo joo, i moog Di soo

Du machst mi oiwei wieda froh

Joo joo, i moog Di soo, joo joo, i moog Di soo

weil ma mit Dir Pferdl schteyhn koo

Joo joo, i moog Di soo, joo joo, i moog Di soo

Du machst mi jedn Doog wieda o

Joo joo, i moog Di soo, joo joo, i moog Di soo

weil ma mit Dir scheene Sacha mach koo

Joo joo, i moog Di soo, joo joo, i moog Di soo

genau so wia Du bist, moog i Di schoo

Joo joo, i moog Di soo, joo joo, i moog Di soo

bleib so wia Du bist, dees basst asoo

Joo joo, i moog Di soo, joo joo, i moog Di soo

i schaug Di oiwei wieda gern oo

Joo joo, i moog Di soo, joo joo, i moog Di soo

weil i mit Dir glücklich sei koo

LEIT DERDZ G’SCHMEIDIG BLEIM

Woos derz Ihr nua füa Sacha macha,

dees is ja wirkli need zum lacha

Derdz dauand hadern und Eich sorgn,

dengtz oiwei an Gestan und an Morgn

Dees muaß need sei, liabä Leit,

schaugtz woos is und lebtz einfach heit

Denn schney vageht Wuat und Leid,

mit Zuvasicht und G’schmeidigkeit

Leit derdz G’schmeidig bleim

und need sovui Unfug dreim

Leit derdz G’schmeidig bleim,

sunst drahtz Eich um die Scheim

Dees ganze häddi, wenni, waari,

is a übaflüssix Diridari

Es lasst si need ändan, woos g’scheng is,

kapia dees hoid, sonst hostas G’schiss.

Konzentria Di auf die Gegenwart,

dann kimmt Dei Kraft voi in Fahrt

Werst zu Deines Glückes Schmied

und singa duast a lustix Lied.

Leit derdz G’schmeidig bleim

und need sovui Unfug dreim

Leit derdz G’schmeidig bleim,

sunst drahtz Eich um die Scheim

As Lem duat si dauand ändan,

dees guit in olle irdisch Ländan

Nix konn ewig geh und steh,

hoit Di need fest, weil dees duat weh!

Sei einfach do, in jedm Moment,

danz ganz g’schmeidig mit die Element

Zur Spirale werd Di Scheim,

oiso dua hoid einfach G’schmeidig bleim!

Leit derdz G’schmeidig bleim

und need sovui Unfug dreim

Leit derdz G’schmeidig bleim,

sunst drahtz Eich um die Scheim

DIE ERDN IS MEI MUADA

Freie bairische Übersetzung von "The Earth is our mother, we will take care of her!"

Die Erdn is mei Muada,

drum bass i auf sie auf ://

Hey Mama hey, i bass auf Di auf! ://

Die Ernd is unsa Muada,

drum soit ma obacht gem,

hey liabä Leit derdz obacht gem

hey liabä Leit, sunst werma zum Problem ://

Die Erdn is unsa Muada

Drum soit ma obacht gem ://

Hey liabä Leit lassts äfta Eia Auto steh,

is eh vui xsünda z’Fuaß zum geh!

Die Erdn is unsa Muada

Drum soit ma obacht gem ://

Hey liabä Leit, derdz äfta Radl fahrn,

do kenntz Eich glei an Haufa Sprit ah no sparn.

Die Erdn is unsa Muada

Drum bass ma auf sie auf ://

Hey Mama hey, mia bassn auf Di auf ://

MAMA I GSCHPIAH DI

Mama I gschpia Di unta meine Fiaß

Mama i hear Dein Herzschloog

GROSSER GEIST

Großer Geist, Erdn Himmi und Meer

Du bist in uns und überaoi um uns her

MIA SAN DE RUNDN

Mia sann de Rundn, mia sann de Rundn, de nirgens ofangt und nimma aufhärt...

(frei nach "We are the Circle")

MOAN IS ASO

Moan i's aso oda moan i's aso

moan i's aso oda moan i's aso

(Moing is aso und moing is aso)

SUNNA SUNNA LACH MI O

Sunna Sunna lach mi o

dassi mit Dia lacha ko

lach ma mittn in mei Gsicht

weil i moog Dei Sunnalicht

ASOA WEEDA

Asoa Weeda brauch i fei neda

Asoa Weeda dees muaß ned sei

Asoa Weeda ned friahra & ned schpäda

Asoa Weeda soog i Da glei

Asoa Weeda meng mia fei neda

Asoa Weeda dees is ned guad

Asoa Weeda brauch ma neda

Asoa Weeda do kriagst ja d'Wuat

Asoa Weeda dees werd ja oiwei blääda

Asoa Weeda i garned moog

Asoa Weeda schiggt Di auf di Breedda

Asoa Weeda i ned vadroog

Asoa Weeda meng mia fei neda

Asoa Weeda deaf schney vageh

Asoa Weeda eha friahra und ned schpäda

Auf soa Weeda i garned schteh

Asoa Weeda moog i fei neda

Asoa Weeda dees is a Gfrett

Asoa Weeda do fluacht a jeda

Bei soam Weeda bleib i im Bett

& so is so a Weeda, dann doch recht nett...

A JEDA WIARA MOOG,

HAUPTSACH ER WERD NEED ZUA PLOOG

A jeda macht komische Sachan

Worüber die andan lachan

Aba hauptsach es gäht eahm guat

Und dassa neamdz damit woos duat

A Jeda, wiara moog, Hauptsach, er werd ned zua Ploog

A jeda spinnt auf sei Weis

Der oane laut, der andarä leis,

dees gäht an jedm so

aba hauptsach er is dabei froh

A Jeda, wiara moog, Hauptsach, er werd ned zua Ploog

Do woaß oana woos füan andan guad is

Desweng hamm mia so vui Gschiss

Dees muaß scho jeda seybst rausfindn

Und duata si ah no so schindn

A Jeda, wiara moog, Hauptsach, er werd ned zua Ploog

A jeda gäht sein Weg

Der oane grood, da andrä schräg

Du woaßt need woos da andrä siegt

Und oba damit richtig liegt

A Jeda, wiara moog, Hauptsach, er werd ned zua Ploog

Durch dees ganzä missionian

Dern an haufa Leit krepiern

Dees muaß ja wirkli need sei

Drum hoits endlich eia Mei

...und zwar glei!

A Jeda, wiara moog, Hauptsach, er werd ned zua Ploog