Neulich habe ich eine kuriose Einladung im Fratznbiachä bekommen.
Meine flapsige, bairische und satirische Antwort dürfte einerseits zum Ausdruck bringen, dass ich mich durchaus mit der Thematik beschäftigt (dann aber abgewendet) habe..., andererseits, was ich davon halte...
Viel Spaß beim amüsierten Lesen...
Iluminati Einladung
Basierend auf dem Mitgliedschaftskriterium der Illuminaten finden wir, dass Sie im Besitz einer guten Beherrschung manueller Geschicklichkeit und akademischer Fähigkeiten von großem Interesse sind. Damit betrachten wir Sie als die Klasse, die die Plattform sein wird, für die Sie stehen, um die wohlhabenden Menschen zu treffen, die Sie zu Reichtum, Macht, Ruhm und Ehre führen können. Ich empfehle Ihnen dringend, sich uns bei den Illuminaten anzuschließen. Wenn Sie sich uns anschließen, werden Sie wohlhabend und leben das Leben, das Sie sich wünschen. Nehmen Sie das Angebot an?
Griaß Di Du pyramidiale Lichtgestalt!
Ja suppa, endlich kimmd amoi vo Eich a Einladung, do håb i ja scho ewig und 3 Dåg drauf gwart! Dass dees nachad doch tatsächlich bis ins 23ga Jahr dauert, hädd i ned denkt, aba is ja passend, no dazua am 6.6., wås ja nachad Quersumme 19 und somit Oans dagibt. Bassd, a guads Tai Ming!
Gfreit mi nadialich, dass i mit meine Geschicklichkeiten für Eijan illustren Oidherrenkreis in Frage kimm, fühl mi g'ehrt!
Oiso i geh amoi davo aus, dass da erste persönliche Kontakt am Freidåg, den 23. um 23:23 in da Iluminatenhöhle am Untersberg stattfindt oda soi i dann doch midm Bayernticket nach Ingolstadt fahrn? Oda habtz eppa Eijan Tempel nach Samnaun valegt? Ah a scheene Gegend, soit i vielleicht ah glei no meine Tourenschi (nadialich mid am Pentagram drauf) ei'bagga...oda?
Wia xågd, i fühl mi ja scho sehr geehrt, vo Eich a Einladung z'griang, muaß allahdinx bekundn, dassi, fast scho wia mit de inflationären Messengers, eh scho in vui zvui Orden dabei bin. Oiso z.B. im A.A., im O.T.O. (ned zu verwexln mit O²), im Golden Dawn, bei de Erisier (as Telegram unter die Orden) und beim Freistamm Bayern. Do werds ma mit Eich fast a weng zvui und do miassads ma scho direkt a weng mehra bietn, ois Wohlstand, Macht, Reichtum und Ehre, nix für Unguat. Zumal i vom Reichtum und Wohlstand eh scho gnua håb, weil i oiwei dees håb, wås i brauch und es gwiss ned mehra ois dees bedarf. An Macht bini ned intressiert, weil ma da Machterhalt vui zu stressig is und Ehr håb i scho gnua anderweitig errungen, dees waarad ma dann doch zvui da Ehr, ehrlich xågd. I leb bereits des Leben, wås i ma wünsch und do brauchts ah koa große Veränderung, zumals mi ah übahauptz ned in die Ferne ziagd und dees waarad ja beiana Mitgliedschaft bei Eich gwiss a Thema. Oiso wås kenntz Ihr mir sunst no bietn, wås a Mitgliedschaft in Eijam Verein attraktiv macht? Nix!
Sågst am unsterblichn Adam Weishaupt, da oidn Fischhaut (oda soi i Schorsch Waschinkn song?) an scheena Gruaß und machtsas guad, diaf in Tirol und treibtsas ned zu bunt. Ah, gähd ja ned, Ihr seids ja eha im Schwarz-Weiß-Berreich tätig..
Es griaßt Eich hochachtungsvoll und pyramidial bis kreisförmig da Hagbard Celine ;-)
